بسّ لحظَـه يآ مهمّـلني .. { ونآوُي فيْ غيآبك !

بس لحظه يا مهملني ونـاوي فـي غيابـك

دامك اللي ناوي الفرقا با اقول اللـي بقولـه

انت يعني لا نويت تغيب باقـف عنـد بابـك

لا وربي تاقف الدنيا وانـا تأبـى الرجولـه

ما تعودت اتبع المقفي ولو حضـرة جنابـك

رح عساها خيرة والدرب لك عرضه وطوله

روح لا جابك امجيب الغيم واترك لي صوابك

جيت حلم ورحت حلم تشبه احـلام الطفولـه

ما انت بأول من طعن هالقلب والدرب انتهابك

يا ثقل خطواتك البـارح وهالليلـه عجولـه

باغي الفرقا!!جعل ربي يعجـل فـي ذهابـك

بايـع ٍ قلب ٍ لك الله كنت مـا تحلـم تطولـه

من يلومك ؟ شايف ٍ حالك وفبدايـة شبابـك

طاغي ٍ تجرح قلوب الناس تحسبهـا بطولـه

بسألك كم واحد ٍ قبلي هقابـك واشتقابـك ؟

انت ياللي نظرة عيونك قبل عرفـك خجولـه

ياكثر ما كانـت ظنونـي دخيـل الله تهابـك

بس أكذبها واقول أوهـام والقلـب وميولـه

اثـرك تستلـذ اذا ذاقـوا النـاس عـذابـك

مشكله!! والمشكله هذه بسيطـه وإمحلولـه

كان ما لبستك الغيـره مثـل لبسـة ثيابـك

قل عوافي .. قل مثل غيره تركته وبسهولـه

واجد اللي مشتهين الوصل والخـط متشابـك

كان لك جولة ترى محاكيك له تسعين جوله

لا بغيت تغيب فارق لا وربـي مـا درابـك

شاعر ٍ يا كثر ما تل القلـوب وصفقـوا لـه

لا هلابك في حضورك .. في غيابك لا هلابك

رح مهف امقيط يوم امقيط ودنـه ارجولـه

باكر ان ما شفت غيرك جا يعوضني غيابـك

قل حكى شعار ما تفعل ربع هاللـي تقولـه